2005年6月16日 星期四

Quality Vs Prices -- 很普通的!!

今個星期頭有朋友生日,於是上來看看有咩好食,見一眾食家對此餐廳有不俗的評價,而且自己帶走酒又唔收開瓶費,所以就去食個晚飯.....

我八點行入去,可能係閒日啦,只得三兩枱!入到去第一件事當然係開酒啦!02年既Sauvignon Blanc,果香中帶少少oak aging感覺.於是我哋劈頭就叫咗啲刺身同壽司食吓.

未講食物先講配料,在我眼前有4碟醬,但食刺身壽司只用醬油.單論醬油味道已經不太好,鹹味不足,鮮味不夠.不可以帶出刺身的鮮味.壽司來了,只要了三文魚和生吞拿兩款大路(基本)壽司..件頭很小(大概一啖兩件)!魚生肉質一般(三文還不甘香),下面的飯只食出微弱醋味,其他就沒有了!

刺身方面,半條半粒狀的赤貝,爽口鮮味,原條池魚點醋亦不錯,劍魚腩的滑溜甘香帶少許咬口成此碟之最.但是其他的油甘,甜蝦就很普通.

一論清淡,轉開Pessac-Leognan的98Cab.based紅酒, 從一般黑加侖子中潛藏著咖啡,朱古力的香氣,可是body還是弱一點.於是我們開始正題的鐵板燒.我們並沒有選擇推介的鵝肝,因為壽星仔不願多吃.所以我們先淺嘗蒜片牛柳粒及炒雜菜.不知是師傅太輕手還是我們愛濃味,味道總是不太足夠.

炒雜菜其實與炒芽菜無異,因為碟內幾乎8成都是芽菜,吃來淡戊戊,黑椒又落得不多,但不至於勁出水般差勁.蒜片牛柳粒初看見師傅將蒜片燒香後放在一旁長達至少15mins,心想這下的蒜片死定了, 必定太乾了!可是上碟時比定想像中好一些, 但是還是有點over-heated!牛肉的處理不俗,生熟程度(我們要4成)掌握亦算可以,唯用料不算上乘.

及後再叫了燒銀鱈魚,大花竹和羊架.銀鱈魚肉質內的纖維及組織很好,食到鐵板燒風格,但調味醬汁不多,令口內香味不能提升,遜於友樂亭所做的.羊架屬一般貨式,師傅亦做不到內裏嫩滑,外面香脆,差勁一點!食到大花竹肉味鮮嫩,連蝦腸都與外圍煎得香,唯略欠白酒讚蝦的香味.

吃到尾沒有多大信心要了一個鰻魚炒飯醫肚,但估不到全晚最好的竟然是那個鰻魚炒飯.飯被炒到一粒粒的,蛋汁和醬汁都被鎖進飯內,乾乾的香氣帶有醬汁的調劑,算是一絕!!!

食完免費的甜品,埋單一千一百二十蚊,三個人食平均每人三百七十多,還要朋友與我兩人夾錢(即五百多!).

如單論食物質素,參差都很大,但是好的是挺不錯的.但如要用這個價錢的話還是很不值呢!!!!!

沒有留言:

張貼留言