2011年3月29日 星期二

水準以上

續遊澳門, 氹仔下雨, 輾轉撲上了巴士, 來到了紅街市.
落完雨後我地到左紅街市隔離的祐記龍鬚糖
龍鬚糖都沒有了, 當然站著等待製作, 由老闆表演製作龍鬚糖的過程.
先買了一盒$18, 4個人食. 最後買多4盒.

先不談味道, 事實上買龍鬚糖, 錢給的不是味道, 而是手藝. 龍鬚糖的製作過程雖講不上異常複雜, 但絕不簡單.
製作龍鬚糖講求純淨, 手要保持潔淨與乾爽. 力度需均衡, 不可時大時細. 一絲絲幼滑的龍鬚, 由一條小條拉成一大扎, 手感很重要.
手感力度影響龍鬚的粗幼與均衡, 手的乾濕影響龍鬚糖的化口感, 所以味道源自功夫.
如你有留意, 老闆是不會直接收錢的, 而是將錢放於盒中, 他再用夾將錢夾走. 手不沾錢, 沒有了不潔淨, 亦不沾手氣.

整體來說, 這盒龍鬚糖的手藝在價錢水平之上, 比較香港坊間的一些$15一盒的, 龍鬚拉得較均勻, 化口感強一些. 可是, 比起飛機場裡數十元一粒的龍鬚糖, 水平明顯還有一段距離.

沒有留言:

張貼留言