2011年3月25日 星期五

喜歡上白蓮花

起身後的第一餐, 乘車直至氹仔飛能便度街, 第一餐要吃當然是喜蓮吧.
在我上次到訪澳門的時候, 也到過喜蓮. 不過因為吃的是下午茶, 沒有多大的空間, 錯過了很多東西. 今次到訪, 不容有失!

雖說是不容有失, 但不敢多吃, 因為我們還要到下一店的.
見到隔離的紅豆冰賣相唔錯, 於是我地叫左3個紅豆冰+凍奶茶少甜
呢個野, 我地上次黎已經好想食的啦, 今次又點可以放過呢? 呢個係牛尾湯公仔麵 -- 牛尾湯味道濃郁, 公仔麵吸左牛尾湯的味道混成一體, 好好味!
我個人認為牛尾沙公仔麵比通粉更好食, 因為麵長而更彈牙能將湯與麵一同吃進口中, 而有彈性. 反而通粉有時會烹得過淋, 沒有了彈牙口感.
呢個係窩蛋免治干牛肉, 我都覺得有隻窩蛋會好食d, 所以我order的時候不停咁問亞姐係唔係有窩蛋架, 攪到朋友的女友都笑我執著. 不過確實有隻窩蛋好食好多, 而且免治牛肉香, 加上蛋汁令層次更豐富, 但係朋友始終相信佢係可以整到一樣的水準, 唔知我地幾時有得食呢??
當然知道這個菜配了白飯會好一點, 不過為左留力, 還是不吃白飯了.
咖喱角, 我地上次都有食, 不過今次做得好食d. 因為麵包的皮比上次的薄而脆, 餡料的o架喱味比上前強烈..

整體來說, 喜蓮雖不是大店出品, 但每次到澳門無論工作或清閒都會想起她. 不位於氹仔人流多的地方, 但有時也需要排隊呀!

沒有留言:

張貼留言