2015年1月21日 星期三

一個人下午茶@陳勤記

間中也要到灣仔工作, 那天為自己新的發展路向畫上大名, 對自己來說算是個新的挑戰。心情雀躍之餘才發覺自己未食午飯, 於是在灣仔一帶苦思一輪。知道晚上要吃餐潮州菜, 所以專程找來陳勤記做事前bench-marking。

image



陳勤記是其中一家感覺平易近人的米星餐廳。雖然他的出品未必是拍案叫好的那種, 但總走不出不錯的水平。

image



下午茶時間入去, 樓面半近落場。相信如果不是灣仔地租貴, 要開下午茶頂數, 也不會招呼我這些下午飛來蜢。

image



而且還有下午茶餐牌, 不過平均索價HK$ 45, 比一般地方的午餐都要貴。當然, 下午茶餐不會有他們的招牌鹵水鵝, 但六個選擇就已有三個鹵水。

image



可能因半落場關係, 落單後等上十五分鐘都未見影。抬起頭未開聲, 收銀已話頭醒尾即追, 結果千呼萬喚。鹵味湯粉一上桌我就即夾起到別碗, 不想稀釋口味。

一口鹵肉入口, 也有難得的鬆化感。鹵水鹹香有鮮味, 後有少少甜味, 夠香夠身。近皮部分口感略黏糯, 效果不錯。然而豬大腸就差一點, 質感較韌, 又不算入味。

image



一個湯米粉, 樣子普通, 但高湯火腿香與雞湯配合, 味道搶眼。雖然米有點未完全發開的硬, 但湯中鹹香腿香令人舒服。

image



連餐凍熱飲同價, 份量不算多的下午茶, 要價HK$48。幸好還有免加一, 水準味道算可以, 但下午茶來講貴了一點點。不過以一個人包場, 最少三個人服務我的虛榮排場來計的話, 這個米星下午茶也不為過。

餐廳:陳勤記鹵鵝飯店 (地址:灣仔謝斐道250-274號杜誌臺地下9-10號舖 )

沒有留言:

張貼留言