大哥食飯你要來!

睇電影都有講啦: "大哥講話你要聽!"
這邊廂與大哥在上環賽馬會呷著茶, 吃著午宴, 那邊廂他跟我說: "今晚無咩做, 過來澳門, 我請你食飯! 五點響上面攞船飛啦!"
說時遲那時快的, 豈有不去之理!

下船, 四門轎車直到威尼斯人, 接著收到短訊來這家在購物區聖馬可廣場新開的金貴軒。櫈未坐暖, 已見服務員抬著一箱箱進來, 然後放在旁桌一打一打的酒, 沒有退縮的份兒。

人齊起菜, 未見刀光劍影。先來個湯暖暖胃, 花膠燉竹絲雞, 湯頭夠味, 花膠厚而有肉地, 的確醒神。

蟹肉釀蟹鉗, 感覺簡單, 但炸得脆口鬆化, 熱氣一點也無所謂。

竹笙露筍, 菜式看似簡單。但平凡中見不平凡, 兩樣食才當中, 除露筍有輕輕的蔬菜鮮之外, 基本上是靠茨汁調味。大哥的確甚有諗頭, 用上雲腿加入高湯玻璃芝調味, 另外加入燕窩提升口感。令整個菜式的立體感增高到另一個層面, 一絕!

煎釀雞翼又是簡單不過的平常菜式。

可是釀的除了雞肉之外, 還加有魚翅。令口感除雞肉腍淋之外, 加上是彈力與爽勁。雞汁封在內, 翅與肉味道也好。

扣來的紅燒乾鮑, 鮮味口感當然一流。人不貪心, 不嫌細小, 只怕鮑魚汁未知何去何從。大哥特意安排幾口蟹籽天使麵, 吸盡鮑魚汁茨。加上蟹籽的爆口質感, 好味, 真不知如何講起!

鴛鴦兩食的雞最近在別的店食過, 也出了食評。但早在大哥的飯局已有這味鴛鴦鴿。不過要精品一點, 只吃脾翼。一邊紅燒, 一邊醉酒浸; 一邊香脆, 一邊香嫩, 兩種質感能獨立成案, 也能兩者合一。

清炒桂花銀芽, 清淡而簡單。朋友說過, 只要能炒一手好的桂花魚肚, 桂花翅一定好食。這次"演野", 連魚肚也不炒, 只炒銀芽, 要做不乾有汁而去掉青澀, 蛋嫩成絲而不老反鬆。這個可算合格!

豉汁蒸盤鱔, 火候掌握不錯。皮下脂香而黏糯, 肉有彈性而不膩, 蒜豉惹味而不過火, 好!

龍蝦湯瑤柱貴妃飯, 有脆口, 但有一點點黏牙。用已炸過的金邊貴妃飯是好, 但更應該是"金銀飯"兩用, 口感複雜程度可再提升。

全餐飯極度滿足, 餐廳盡題, 蒸, 炒, 煮, 燉, 煎, 炸, 扣的基本功夫。食材也不分東西, 不是fusion, 但以長補短。後來大哥跟我悄悄話說, 原來菜式全是他腦中自編, 餐牌沒有多少樣。但以有一段時間沒去, 相信這些菜更應該在餐牌出現吧!

餐廳: 金貴軒海鮮酒家 (地址: 路氹城威尼斯人購物中心聖馬可廣場3006舖)