餃子新店@屯門

新年時節, 一年一度的大假, 留在屯門早上睇睇早場輕鬆一下。


散場之後在四圍走走, 感受這幾年屯門的改變, 想找家未吃過的餐廳。走出商場看到這家餃子店, 價錢不貴, 所以入去試試。


食店主打餃子, 有湯餃同煎餃兩種, 餡料選擇也不少。不過不知是新年的緣故還是還是一向都是這樣, 食店基本上座無虛席, 但是樓面只得一人在做。所以入座十分鐘, 我面前用過的碗筷都未執拾。


我人一向貪心, 希望可以響一次就試晒大部分菜式。所以我點了一個京蔥羊肉與海鮮湯餃雙拼, 另加上海拉麵。另外再加一份雜錦煎餃。


雙拼餃子, HK$35/八隻。加上海拉麵需另加HK$7。湯底是簡單清湯, 味道不濃。


上海麵條味淡但有咬口, 爽滑, 如果加點豆辦醬會好點。


海鮮餃, 是餐廳的主打。餡料有蝦仁及帶子, 爽口可口的蝦肉加上鮮味而香的帶子。口感不錯, 餃子皮也滑, 加上少少豉油豆辦醬幾好。


京蔥羊肉餃, 羊肉有明顯羶味, 肉香。個人認為吃羊肉不羶不如不吃, 不過看旁邊的港女太太邊吃邊埋怨肉過羶, 相信不是人人能接受。反而個人認為京蔥份量不夠, 吃不出京蔥惹味。


雜錦煎餃, 由三款餃子組成, 每款兩隻, 要價HK$28。


第一款是紫菜煎餃, 也是餐廳主打之一。可是紫菜鮮味不強, 感覺有點乾。雖然餃子皮煎得脆香, 但味道不好。


第二款是芝士煎餃, 皮脆香口。同樣也是肉餡很多, 油脂香不夠, 也沒肉汁。後段能吃到芝士味, 不過整體比較膩。


第三款是香辣煎餃, 是三款之中最惹味的。肉油香又不強, 但香辣味最好, 加上皮脆也算不錯。


論價錢, 兩份餃子合計HK$70, 不算貴。老實說, HK$33/8隻餃子, 一點都不過份。論味道, 這店水平講不上能與一眾餃子名店比較, 但是在屯門地區來說已叫中上吧。