2015年10月14日 星期三

最後日@八寶清湯腩

香港不知得到了什麼病? 業主只要錢, 不理本地經濟已下滑不少, 而且更會有突然插水之勢, 還繼續加價。人群湧湧的左跟機構批一批, 右與團體鬥一鬥, 就算看娛樂新聞都覺膩。有陣時人生不如國際足協話齋: “球證錯判都係足球的一部分”, 寫上鄭成功的一句“難得糊塗”就好。



這天又黎食“散水餅”, 喜愛的紅磡八寶清湯腩因加租而結業。沒有情面, 也未找到後繼鋪頭, 就只到九月十三日。



最愛的淨崩沙腩已沒有, 只剩牛寶一份 (即崩沙腩, 坑腩與爽腩)。米粉, 牛丸, 魚旦都沒有了。可是一個八寶湯味道依然吸引, 少許的藥材感覺, 圓渾的湯頭, 口水有點膠口效果。



一份牛寶, 三重口感。爽腩肉腍而連牛薑, 爽脆可口; 坑腩無肥帶水晶邊, 入口軟糯如牛筋, 但味更香。崩沙腩肥中有爽脆, 油脂味更香更濃。雖說一份牛寶有三個口感, 收費亦較貴, 但始終獨愛崩沙腩。而且最後日, 多人幫襯, 腩偉比之前細件一點。

人民幣回落, 亞洲貨幣跌, 來港自由行已失吸引力, 只是方便而已。這般局勢依然加租30-40%, 業主有恃無恐, 苦果可是大家齊受。
posted from Bloggeroid

沒有留言:

張貼留言